Charter Catharinagasthuis, 13 mei 1390

cath 1390 72

Wi Jan Costijns soen ende Pieter Gobburghen soen, scepene in Leyden, oirkonden dat voir gherechte
quamen Ghisebrecht Jacobs soen ende Claes Heynman ende gaven over Gherijd van Oyen Werembouts
soen drie scepene brieve dair dese scepene brief doir ghesteken is mid recht ende mid vonnesse
alse recht is ende scepene wijsden Gherijd van Oyen voirs. mede te winnen ende te ver
liesen gheliken joft Ghisebrecht ende Claes voirscr. selve waren. In oirkonde desen brieve
beseghelt mid onsen seghelen int jair ons Heren duysend drie hondert ende tneghentich, upten
dertienden dach in meye.

Transcriptie

Ed van der Vlist

Publicatie

Charters Catharinagasthuis Leiden 1385 - 1390